tg-me.com/lipnsnsfkapde/10824
Last Update:
الشاعر الحسيني ظاهر حبيب الهليجي
يل الكاظم اجيتك مهظوم اعتنيتك
ظاكت بيه دنياي رايد نظره مولاي
*
يل الكاظم اجيت ودمعتي بعيني
ويم بابك رفعت اجفوفي بونيني
مثل اسنين يوسف صارن اسنيني
اجيتك يابو طلبه امراد تنطيني
ماتطلع جلمتي مخنوگ أبعبرتي
كثر النايبه وياي رايد نظره مولاي
*
النفس بل سوء تآمر سيدي وتهوه
الملذات الزمن تدفعني و ابقوه
اخذ بيدي يراعي الفزعه والنخوه
خلصت ودري بيهه الدنيا ماتسوه
ياباب المكارم يل تتسمه كاظم
نبته بعازة الماي رايد نظره مولاي
اجيتك لا تردني وحالتي كلفه
مامتعوده روحي الغيرك اتكلفه
يباب الله اليدگها ما يرد جفه
طبيب انت وجروحي بحظرتك تشفه
ياراعي السجيه احلفك بلزجيه
منك هذا رجواي رايد نظره مولاي
*
طلب عندي يبحر الجود هل طلبه
وانت ألي يسمونك ابو طلبه
سهله وادري يامولاي موصعبه
اريد اسمي بعزائك سيدي اتكتبه
ارجاهه بدمعتي تقبلهه خدمتي
تنفع بلحشر هاي رايد نظره مولاي
*
ختام الشيعتك تدعي يواليها
تره هموم ونوايب ثگلن اعليها
بجاهك يظهر الموعود مهديها
لأن هوه الوحيد ألي يصفيها
للمهدي النواظر مشبوحه وتناطر
الشيعه محمله اهواي رايد نظره مولاي
BY الشاعر ظاهر حبيب الهليجي
Warning: Undefined variable $i in /var/www/tg-me/post.php on line 280
Share with your friend now:
tg-me.com/lipnsnsfkapde/10824